لو زرعت صوبة واحدة فلفل ألوان
كفيلة انها تغير دخلك 
عملنالكم برنامج كامل لزراعة الفلفل الألوان بطريقة سهلة ومن غير اى تعقيد
وانتاجية محترمة تفرحك
يالا نشوف خطوات الزراعة واحدة بواحدة 
هنقول بسم الله ونبدأ تجهيز الصوبة
نستخدم صوبة بلاستيك (9م × 40م مثلاً).
بس لازم يكون فيها
شبكة ري بالتنقيط
فتحات تهوية كويسة
تغطية بلاستيك 150 ميكرون ضد الشمس
وبعدين نختار الصنف
يفضل نستخدم صنف هجين (بذور مستوردة – إنتاجها عالي)
عشان انتاجها بيكون عالى زى
لو أحمر يبقى نختار صنف ساكورا (Sakura F1)
لو أصفر يبقى نختار صنف أورورا (Aurora F1)
لو برتقالي يبقى نختار صنف إنتيلا أو مازاريلا
الأهم من كل ده نشترى من شركة معروفة
نيجى لتجهيز الشتلة
نزرع البذور في صواني فوم (84 عين)
نخلي المشتل في مكان دافئ ومضاد للحشرات
استخدم بيتموس + بيرلايت أو كوكوبيت
وننقل الشتلة لما يكون عندها 4–5 ورقات هيكونبعد حوالي 30( يوم)
الزراعة
نحفر خطوط في الأرض وبين كل نبات والتاني 30 سم
نخلي صفين نبات على كل مصطبة
عدد النباتات في الصوبة (9×40 م) يكون حوالي 3000 نبات
طب و الري
في أول أسبوعين الري يبقى خفيف (1.5 لتر/نبات/يوم).
ولما النبات يكبر نزوّد بالتدريج لحد 3 أو 4 لتر/نبا
المهم ما تعطش النبات وما تغرقوش خليك محافظ على رطوبة متوازنة
نيجى لأهم حاجة هو التسميد
المرحلة الأولى ( بعد الشتل ) من ( 1-3) أسابيع
نترات كالسيوم كل يومين بمعدل 2-3 كجم
سماد مركب (19-19-19)
او (20-20-20) يوم واحد في الأسبوع بمعدل 3-4 كجم
هيوميك اسيد + كالسيوم بورون رش ورقى مره كل 7 أيام
بمعدل الهيومك اسيد 100 جم / 100 لتر ماء
والكالسيوم بورون 2-3 لتر / فدان
المرحلة التانية بداية التزهير من (4-6 ) أسابيع
MKP (0-52-34) كل ثلاث أيام بمعدل 3 كجم
نترات كالسيوم بمعدل 2 كجم
نترات بوتاسيوم بمعدل 2 كجم
رش ورقى كالسيوم +بورون + زنك كل 7 أيام بمعدل 100 جم /100 لتر ماء
المرحلة التالتة بعد العقد وتكوين الثمار من (7-10 ) أسابيع
نترات بوتاسيوم بمعدل 3-4 كجم
سلفات ماغنسيوم كل أسبوع بمعدل 2 كجم
نترات كالسيوم بمعدل 2 كجم
رش ورقى كالسيوم +بورون + زنك بمعدل 100 جم / 100 لتر ماء
المرحلة الرابعة التلوين والنضج
سلفات بوتاسيوم بمعدل 3-5 كجم
نترات كالسيوم بمعدل 2 كجم
رش ورقى بوتاسيوم + كالسيوم + احماض امينية بمعدل 200 جم /100 لتر ماء
ملاحظات
استخدم حمض الفوسفوريك كل أسبوع لتنظيف شبكة الرى وتنظيم PH
لو في تقزم او تأخير نمو رش طحالب
التقليم
أول ما النبات يبدأ يكبر هنشيل الفروع اللي تحت أول زهرتين
نخليه يكبر على 2 أو 3 فروع رئيسية بس
نربط النبات بخيط عشان ما يقعش
الحصاد
الجمع هيبدأ بعد 80–100 يوم من الزراعة
الجمع بعد ما الثمرة يكتمل تلوينها
القطف يكون كل 3 – 4 أيام يزيد الإنتاج
الإنتاج المتوقع
من 10 إلى 12 كجم/نبات ممكن بسهولة
يعني الصوبة ممكن تطلع 30 – 35 طن للفدان
الأمراض والحشرات اللى ممكن تواجهنا
الذبابة البيضاء – المن نستخدم سبيروتترامات 10 % أو زيت معدني كل 10 أيام
البياض الدقيقى نستخدم منتج فيه مادة ثيوفينات ميثيل 70%
العفن الرمادي تهوية + ثيوفينات ميثيل 70%
وبالنسبه للفيروسات ممنوع التدخين – تعقيم اليد – شتلات نظيفة
نصيحة ع السريع
ما تزودش نيتروجين زيادة
حافظ على الحرارة أقل من 30° في الصيف
راقب النبات أول بأول
استخدم شبكة ظل خفيفة في الصيف
اكتبولنا في التعليقات لو عندكم اى استفسار 
كمان اكتبولنا في التعليقات تحبوا نتكلم عن برنامج تسميد ايه الفترة الجاية
