اخر ندااااااااء للناس اللى هتزرع سمسم

متابعينا ومزارعين السمسم فى كل مكان 

 هنتكلم عن برنامج كامل متكامل لزراعة السمسم

 لو عاوز السمسم يكبر ويعقد حلو ويجيبلك انتاج كويس يبقى زكز معايا كويس

عشان هقولكم على سر الزراعة الناجحة للسمسم

 البرنامج ده هيغطي كل خطوة من الزراعة للحصاد عشان نضمان إنتاجية عالية وجودة ممتازة 

يالا نشوف تجهيز التربة هيكون ازاى

نحرث الأرض حرثتين متعامدتين عشان نفكك التربة

ونساويها كويس عشان المياه تتوزع بالتساوى

نيجى لميعاد الزراعة

الموعد المثالى

في ابريل – مايو ( صيفية مبكرة )

او يونيو – يوليو ( صيفية متأخرة )

طريقة الزراعة

سرسبة في سطور (المسافة بين السطور 60 سم).

أو زراعة خلف المحراث.

نيجى لمعدل التقاوى

3–5 كجم/فدان (يعتمد على طريقة الزراعة والصنف)

نيجى للمهم التسميد

تحضير التربة (قبل الزراعة )

السماد العضوى المتحلل كويس بمعدل 20-30 م³/فدان

سوبر فوسفات الكالسيوم 15% بمعدل 150 كجم /فدان

كبريت زراعى عشان يحسن امتصاص العناصر بمعدل 50 كجم / فدان

الأسابيع الأولى ( بعد الزراعة ) من 0- 3 أسابيع

نترات نشادر (33.5%) بعد 10ايام من الزراعة دفعة واحدة بمعدل 50 كجم/فدان بعد

رش عنصر زنك (بتركيبة مخلبية) مره واحدة بعد أسبوعين من الزراعه بمعدل من 100-200 جم / فدان

مرحلة النمو الخضري (من 3 – 6 أسابيع)

يوريا (46%) هنقسمها على دفعتين في الأسبوع الرابع والاسبوع السادس بمعدل 50 كجم/فدان

سلفات بوتاسيوم مره واحدة بعد 5 أسابيع بمعدل 25 كجم/فدان

رش ورقي خليط من العناصر الصغرى (حديد، منجنيز، زنك، بورون) بمعدل مرتين بفاصل 10 أيام بمعدل 100 جم / عنصر للفدان

المرحلة الرابعة التزهير والعقد (6 – 9 أسابيع)

سلفات بوتاسيوم دفعة واحدة بمعدل 25 كجم/فدان

نترات الكالسيوم لدعم العقد وزيادة جودة القرون بمعدل 25 كجم/فدان

رش بورون مرة واحدة عند بداية التزهير بمعدل 100-150 جم/ فدان

المرحلة الخامسة امتلاء القرون (9 – 12 أسبوع)

رش سلفات بوتاسيوم (ورقي) بمعدل 1.5-2 كجم/فدان.

رش كالسيوم (كالسيوم بورون) لتحسين امتلاء الحبوب وتقوية القشرة بمعدل من 200-300 جم / فدان

طب ايه افضل أصناف التقاوى

جيزة 32

 شندويل 3

 توشكا 1

وهنختار بردوا حسب المنطقة

الرى

والرى يكون على الحامى (سريع )

أول ريه هتكون بعد 10-12 يوم من الزراعة.

بعدين كل 15-20 يوم حسب نوع التربة.

ونوقف الري عند بداية نضج القرون (اصفرار الأوراق السفلية)

نيجى للعزق ومقاومة الحشائش

هنعزق عزقة خفيفة بعد 15 يوم.

وعزقة ثانية بعد 30 يوم.

ونستخدم مبيد حشائش قبل الإنبات (مثل ستراتير)

نيجى لمكافحة الآفات

ايه الآفات اللى بتهاجم السمسم دودة ورق القطن – العنكبوت الأحمر – الحفار – المن.

نستخدم مبيد مناسب عند الضرورة فقط، ويفضل الرش وقت العصر

نيجى للمهم الحصاد

نحصد عند اصفرار 75% من القرون.

️التحصين في الصباح الباكر لتقليل الفاقد.

نسيبه في الشمس لمدة 3–4 أيام وبعدين الدق والغربلة والتخزين في مكان جاف.

لو عملنا كل المطلوب 

الإنتاج المتوقع المتوقع هيكون من 500 – 800 كجم / فدان

لو عندك اى استفسار بخصوص زراعة السمسم اكتبولنا في التعليقات

كمان اكتبولنا في التعليقات تحبوا نتكلم عن برنامج تسميد ايه الفترة الجاية