متابعينا ومزارعين البامية فى كل مكان 
البامية مزاج عالى 
ومحصول غالى 
لو عايز باميه خضرا طريه ومليانه خير ركز معايا واعمل الصح من الأول 
هكلمكم النهاردة عن برنامج زراعة البامية بالتفصيل الممل
البرنامج ده هيغطي كل خطوة من الزراعة إلى الحصاد عشان نضمان إنتاجية عالية وجودة ممتازة
متطلبات نمو البامية
اول حاجه التربة المناسبة
️
البامية بتحب التربة الطميية او الطينية الرملية يكون صرفها جيد
ناخد بالنا البامية مش بتحب التربة المالحة لازم تكون الملوحة اقل من 3.2 ديسى سيمنز / متر
تانى حاجة الظروف المناخية
البامية بتفضل درجة الحرارة بين 25-32 درجة مئوية
البامية مش بتتحمل الصقيع والحر الشديد فوق ال 40 درجة بيسقط الازهار
تالت حاجة الضوء
بتحتاج الى إضاءة شمسية كاملة عشان قلة الإضاءة بيأثر على الازهار والإنتاج 
طب نجهز ازاى الأرض قبل الزراعة
اول حاجة هنعملها هنحضر التربة
هنحرت الأرض مرتين متعامدتين بعمق 30-40 سم
هنسوى التربه عشان نضمن توزيع المياه بالتساوى
نيجى لنظام تخطيط الأرض
التخطيط هيكون بمعدل 10-12 خط / قصبتين (355) ده في الزراعة التقليدية
اما في الرى بالتنقيط هنعمل خطوط بعرض 1 متر بين كل خيط تنقيط
نيجى لمرحلة تجهيز البذور والزراعة
اول حاجة هنختارالصنف المناسب
في عندنا أصناف محلية زى (البوادى – إسماعيلية – جيزه 6)
في عندنا أصناف هجينه عالية الإنتاج ( هجين 17 – كيلوباترا – اناناس )
تانى حاجة في المرحلة دى هي معاملة البذور قبل الزراعة
هننقع البذور في مياه دافية لمدة (12 ساعة) عشان تسريع الانبات
معاملة البذور بالمطهرات الفطرية زى فيتافاكس ثيرام (3 جم/كجم بذور) عشان نكافح الامراض الفطرية
تالت حاجة في المرحلة دى طريقة الزراعة
في الزراعة اليدوية هنحط من 3-4 بذور في كل جورة وبعددين هنخفف الا نباتين فقط
المسافات بين النبات هتكون
50 سم بين الجور و 1 متر بين الخطوط ده في نظام الرى بالغمر
40 سم بين الحور و 80 سم بين الخطوط في أرى بالتنقيط
نيجى للرى
الأفضل في الرى هو الرى بالتنقيط عشان بيحسن التهويه ويقلل الامراض
وفى الأرض الطينية هنستخدم الرى بالغمر
بعد الزراعة اول رية هتكون بعد 7-10 أيام
️المهم متغمرش التربة بالكامل عشان تعفن الجذور
وفى مرحلة النمو الخضرى الرى هيكون كل 5-7 أيام في الصيف
في التزهير والاثمار كل 4-5 أيام في الصيف منخليش التربة تجف عشان الازهار متتساقش
نيحى لأهم مرحلة التسميد
اول مرحلة التسميد قبل الزراعة (تحضير الأرض)
هنضيف سماد بلدي متحلل لتحسين التربة بمعدل 20-30 م³
هنضيف سوبر فوسفات كالسيوم لتنشيط الجذور بمعدل 200 كجم
هنضيف كبريت زراعي لضبط حموضة التربة وتحسين امتصاص العناصر 50 كجم
هنضيف سلفات بوتاسيوم لتحفيز نمو الجذور وتحسين مقاومة الأمراض 100 كجم
هنضيف هيوميك أسيد لتحسين خصوبة التربة 5 كجم
ناخد بالنا ممكن نعمل تعقيم للتربة وده اختيارى ونقدر نستخدم بروميد الميثيل أو كلوروبكرين لمكافحة الفطريات والنيماتودا
تانى حاجة هنعملها التسميد بعد الإنبات (أسبوع 1-3 بعد الزراعة)
هنضيف نترات نشادر (33.5%) لتنشيط النمو الخضري بمعدل 50 كجم
هنضيف رش ورقي بالكبريت الميكروني لمكافحة الأمراض الفطرية بمعدل 2.5 جم / لتر
هنضيف هيوميك أسيد مع مياه الري لتحسين امتصاص العناصر بمعدل 2 كجم
تالت حاجه هنعملها التسميد خلال النمو الخضري (أسبوع 4-6 بعد الزراعة)
هنضيف نترات نشادر لتعزيز النمو الخضري بمعدل 50 كجم
هنضيف سلفات بوتاسيوم لتحفيز التزهير بمعدل 50 كجم
هنرش عناصر صغرى (حديد – زنك – منجنيز) بمعدل 250 جم لكل عنصر /300 لتر ماء
إضافة أحماض أمينية 1.5 جم / لتر ماء
رابع حاجة هنعملها هي التسميد في مرحلة التزهير (أسبوع 7-8 بعد الزراعة)
هنضيف سلفات بوتاسيوم لتحسين العقد وجودة الثمار بمعدل 50 كجم
هنضيف نترات نشادر لضمان استمرار التزهير والإثمار بمعدل 100 كجم
رش ورقي كالسيوم بورون بمعدل 1.5 جم / لتر ماء
خامس حاجة نعملها التسميد في مرحلة الإثمار (أسبوع 9 حتى نهاية الحصاد)
هنضيف نترات كالسيوم لزيادة صلابة الثمار وتحسين التخزين بمعدل 50 كجم
هنضيف سلفات بوتاسيوم لزيادة حجم الثمار وتحسين الطعم بمعدل 50 كجم
هنرش عناصر صغرى (كالسيوم – زنك – بورون)
كل 10 أيام
هنضيف أحماض أمينية وطحالب بحرية بمعدل ١.٥ لتر / فدان
نيجى للحصاد
البامية بتتحصد بعد 45-55 يوم من الزراعة وبنجمع الثمار كل 2-3 أيام
الإنتاجية المتوقعة 8-12 طن للفدان حسب الصنف والإدارة
هنعبى الثمار في عبوات مهواه
لو عندك اى استفسار بخصوص زراعة البامية اكتبولنا في التعليقات 
كمان اكتبولنا في التعليقات تحبوا نتكلم عن برنامج تسميد ايه الفترة الجاية
