الناس اللى مأخره فى زراعة الذره 

وعاوزين برنامج لزراعة وتسميد الذرة 

متابعينا ومزارعين الذرة فى كل مكان 

هقولكم على سر الزراعة الناجحة للذرة

لو عايز محصول ذرة قوى وانتاجية عالية وارباح مضمونة ركز معايا واعمل الصح من الأول 

 هكلمكم النهاردة عن برنامج زراعة الذرة بالتفصيل الممل 

برنامج شامل ومتكامل لزراعة الذرة

الذرة من المحاصيل الاقتصادية المهمة سواء عشان الحبوب أو الأعلاف أو السيلاج

وعشان كده لازم نتبع برنامج متكامل بيشمل جميع مراحل الزراعة من اول تجهيز الأرض لغاية الحصاد والتخزين.

اول حاجة هنعملها نختار الصنف المناسب

اختيار الصنف ده بيكون وفقا للهدف (حبوب او اعلاف او سيلاج )

كمان نحدد الأصناف اللى تكون ملائمة لمنطقتك والأفضل نستخدم الهجن المحسنة عشان نحقق إنتاجية عالية

واصناف الهجن الموجودة زى الهجن الفردية والثنائية والذرة الصفراء والبيضاء

تانى حاجة إعداد الأرض والتربة

تحليل التربة

عشان نعرف احتياجات التسميد ونحسن التربة

نيجى لتحضير الأرض

الحرث والتنعيم

نحرث الأرض مرتين متعامدتين بعمق 30-40 سم عشان نحسن تهويتها.

نسوي الأرض عشان نمنع تجمع المياه وتوزيع النبات يكون بشكل متساوٍ.

تالت حاجة هي ميعاد الزراعة

العروة الصيفية هتكون في أواخر فبراير- أبريل.

العروة النيلية هتكون يونيو - يوليو.

العروة الشتوية (المناطق الدافئة فقط) هتكون سبتمبر - أكتوبر.

الزراعة في الميعاد المحدد هتدينا إنتاجية عالية وهتقلل من خطر الآفات.

رابع حاجة طرق الزراعة والكثافة النباتية

1. طريقة الزراعة

الزراعة تكون على خطوط المسافة بين الخطوط 70-80 سم وبين الجور 25-30 سم.

الزراعة العفير (وضع البذور في التربة الجافة ثم الري) ودى هتدينا أفضل النتائج.

2. الكثافة النباتية

إنتاج الحبوب: 20-25 ألف نبات للفدان.

السيلاج والأعلاف: 30-35 ألف نبات للفدان.

خلو بالكم الزراعة الكثيفة هتزودلنا الإنتاج بس هتحتاج إلى تسميد وري كويس

خامس واهم مرحلة التسميد (البرنامج التغذوي)

المرحلة الأولى (تجهيز التربة )

سماد عضوى متحلل (اثناء الحرث ) بمعدل 20-30 متر مكعب

سوبر فوسفات الكالسيوم (قبل التخطيط ) بمعدل 100-150 كجم

كبريت زراعى (مع الفوسفات ) بمعدل 50 كجم

المرحلة التانية التسميد بعد الزراعة (0-15)يوم

هيوميك اسيد (مع الرى ) عند عمر 5-7 يوم بمعدل 1-2 لتر

نترات نشادر( 33.5 %)او يوريا( 46% ) عند عمر 10-15 يوم بمعدل 50 كجم

المرحلة الثالثة التسميد خلال النمو الخضرى (15-40)يوم

نترات نشادر او يوريا (تكبيش او مع الرى )عند عمر 20-25 يوم بمعدل 50-60 كجم

عناصر صغرى (حديد ، زنك ، منجنيز ) عند عمر 30 يوم بمعدل 250جم لكل عنصر

يوريا (46%) او نترات النشادر (تكبيش او مع الرى ) عند عمر 40-35 بمعدل 50-60 كجم

سلفات بوتاسيوم (تكبيش او مع الرى )عند عمر 40-45 يوم بمعدل 50 كجم

المرحلة الرابعة التسميد خلال التزهير وعقد الحبوب (40-60) يوما

نترات نشادر او يوريا ( تكبيش او مع الري) عند عمر 45-50 بمعدل 50-60 كجم

سلفات بوتاسيوم (تكبيش او مع الرى ) عند عمر 50-55 يوم بمعدل 50 كجم للفدان

عناصر صغرى (حديد ، زنك ، منجنيز ) +بورون عند عمر 55-60 بمعد ل 250جم لكل عنصر

المرحلة الخامسة التسميد خلال امتلاء الحبوب (60-80) يوما

نترات نشادر او يوريا مع الرى عند عمر 60-65 بمعدل 50 كجم

سلفات بوتاسيوم مع الرى عند عمر 70-75 يوم بمعدل 50 كجم

عناصر صغرى عند عمر(حديد ، زنك ، منجنيز ) عند عمر 75-80 يوم بمعدل 250جم لكل عنصر

سادس حاجة الرى

احتياجات الري

في الأراضي الطينية كل 10-12 يومًا.

في الأراضي الرملية كل 5-7 أيام.

الري في مرحلة التزهير مهم عشان زيادة امتلاء الحبوب وتحسين جودة المحصول.

بلاش الري الغزير في بداية النمو عشان تعفن الجذور.

سابع حاجة مكافحة الحشائش

طرق المكافحة

العزيق مرتين بعد الانبات عشان نحسن التهوية ونمنع منافستها للنبات

نستخدم مبيدات زى الأترازين أو البوتيسكور بعد الزراعة وقبل الإنبات

كمان المكافحة المبكرة هتقلل من فقدان المحصول بسبب المنافسة على الغذاء والماء.

ثامن حاجة مكافحة الآفات والأمراض

️الافات المعروفه في في محصول الذرة

الحفار والدودة القارضة نكافحهم عند الضرورة بمبيدات زى مارشال أو دورسبان.

دودة القصب الكبيرة والصغيرة نستخدم مصائد فرمونية أو نرش مبيدات زى لانيت أو رادين.

المن والتربس هنستخدم المبيدات الجهازية عند الضرورة.

نيجى للأمراض الشائعة

البياض الزغبي هنرش فطريات نحاسية عند الضرورة.

صدأ الذرة الوقاية هنرش مبيدات زى التوبسين عند ظهور العدوى.

نزرع أصناف مقاومة هيقلل من الحاجة إلى المكافحة الكيميائية.

تاسع حاجة الحصاد والتخزين ( 90-120 ) يوما

ميعاد الحصاد

لما تجف الذرة بنسبة 70-80% من الأوراق وتبدأ الحبوب في الصلابة التامة

هنحصد بعد 90-120 يومًا للأصناف المبكرة، و120-140 يومًا للأصناف طويلة العمر.

طرق الحصاد

هتكون يا اما يدويا بالمناجل او ميكانيكيا بالحصادات

رطوبة الحبوب عند الحصاد لازم تكون من 15-20% لتقليل فقدان المحصول.

التخزين

لازم في التخزين تكون رطوبة الحبوب من 12-14%

نخزنها في أماكن تهويتها جيد ومفيهاش افات

استخدام المبيدات المخزنية للحماية من السوس

كام نصيحة إعشان نجاح زراعة الذرة

 اختيار أصناف محسنة ومقاومة للأمراض.

 تطبيق الدورة الزراعية لمنع تراكم الآفات والأمراض.

 الزراعة في الوقت المناسب لتحسين الإنتاجية.

 الاهتمام بالري خلال مرحلة التزهير لضمان امتلاء الحبوب

لو عندك اى استفسار بخصوص زراعة الذرة اكتبولنا في التعليقات 

كمان اكتبولنا في التعليقات تحبوا نتكلم عن برنامج تسميد ايه الفترة الجاية