النيماتودا رافعة شعار " انا هقعد في المحصول ده و اللي يعرف يخرجني يفرجني " 

طيب ايه هي النيماتودا دي ........ انا هقولك يا سيدي 

 النيماتودا دي عبارة عن ديدان اسطوانية صغيرة جدا اغلبها بتصيب جذور النباتات، ويمنعها من امتصاص الماء والمواد الغذائية من التربة، وهو يصيب جميع أنواع النباتات تقريبًا و بتسبب ضرر جذور وانت مغمض 

 النيماتودا الي بتصيب النباتات ليها انواع مختلفة ممرضة زي 

 نيماتودا تعقد الجذور :- دي بتسبب تورمات و عقد منتفخة في الجذور 

 نيماتودا تقصف الجذور :- بيؤدي الي قصر طول الجذر لأنه بيهاجم أطراف الجذور.

نيماتودا تدهور البطي :- بيخلي افرع الاشجار جافة من الخارج الى الداخل ومن الافرع اللي فوق لتحت.

 نيماتودا تقرح الجذور :- يسبب موت موضعى لانسجة النبات وتظهر كأنها متحللة.

 أعراض الأصابة بنيماتودا تعقد الجذور 

 ظهور عقد وانتفاخات على جذور النبات و ده العرض الأساسي اللي ممكن تتأكد منه

 اصفرار و ذبول في النبات و الاشجار

 بيحصل تقزم للنبات

 تعفن الجذور ( النيماتودا وأعفان الجذور صداقة ابدية )

 ضعف عام فى المجموع الخضرى والجذري بالتالى عدم قدرة الجذور على امتصاص العناصر الغذائية من التربة.

 طيب ازاي نكافح النيماتودا 

 استخدم أصناف مقاومة للنيماتودا تعقد الجذور

 الزراعة في اراضى غير مصابة

تعقيم التربة قبل الزراعة و خاصة اراضي الصوب و الزراعات الفروالة

 استخدام اصول مقاومة للنيماتودا

إزالة النباتات المصابة من الجذور والتخلص منها على الفور بالحرق.

 استخدام السماد العضوي اللي بيحفز المفترسات الحيوية في القضاء علي النيماتودا

 المكافحة باستخدام المواد الفعالة للنيماتودا تعقد الجذور مثل :-

(اوكساميل 24 % - فيناميفوس 40 % - ايثوبروفوس 20 % - كاديوسافوس 20% - فلوبيرام -فوسثيازات 10% - فوسثيازات 75% - فوسثيازات 90% )

--------------------------------------------------------------------------

متنساش تتابعنا عشان تعرف معلومات تانية كتير و مهمة لزراعة محصولك

شارك البوست للاستفاده الجميعانت و محصولك في امان لسنين قدام مع زراعه ماركت