هنتكلم النهاردة عن مادةايميداكلوبريد

التركيب الكيميائى  C₉H₁₀ClN₅O₂

المجموعة الكيميائية النيونيكوتينويدات

و دى عبارة عن مادة فعالة تستخدم في المبيدات الحشرية بتأثر على الجهاز العصبي المركزي للحشرات وبتشل وتموت الحشرات

وكمان بتأثر على الجهاز التنفسى وتمنع عمليه التنفس والجهاز الهضمى

وتمتص عن طريق الجذور والأوراق وينتقل داخل النبات وده هيوفرلنا حماية طويلة

طب ايه الحشرات الابيكافحها 

 ( المن، الذباب الأبيض، التربس، الحفار،الحشرات القشرية ،الديدان القارضة ، وبعض أنواع الخنافس )

تأثيره بيكون قوى على الحشرات ومنخفض السمية للثدييات

طريقة استخدامه 

في طريقة بالرش الورقى 0.2-0.5 جم /لتر ماء حسب شدة الإصابة

نرش في الصبح بدرى او عند الغروب افضل ومنرشش خلال فترة الازهار عشان نحمى النحل

وفى طريقة تانى وهى معاملة البذور اننا ننقع البذور في محلول يحتوى على الاميداكلوبريد قبل الزراعة

الجرعة هنا هتختلف حسب نوع المحصول بمعدل 5-15 جم من المادة الفعالة لكل 100 كجم من البذور

وممكن بطريقة تالتة اننا نخلط المادة الفعالة مع التربة بالرى

الجرعة هنا هتعتمد على نوع المحصول هتتراوح بين 0.25-0.5 كجم من المادة الفعالة لكل هكتار

المحاصيل اللى بيستخدم فيها 

(الذرة ،الأرز ، القمح ،الشعير ، الطماطم ، البطاطس ،الخيار ،الفلفل ، التفاح ، الكمثرى ،الموالح ، القطن ، البنجر ، قصب السكر ، نباتات الزينة )

امثلة على المركبات

(شينوك،كانوبوس،ايميداستورم،ياماشو،جامورايد)

لو عندكم اى استفسار عن الجرعات وطرق الاستخدام تواصلوا معانا

وان شاء الله هنكون معاكم دايما بنجاوبكم على اسئلتكم

واكتبولنا في التعليقات اية المبيدات الا بتستخدموها بتحتوى على مادة إيميداكلوبريد ايه الماده الا تحبوا نتكلم عنها البوست الجى